Peru clafoutis

Eftirréttur með frönsku eftirnafni getur ekki verið annað en góður réttur.  En clafouti er réttur sem inniheldur ávexti sem eru settir á botninn á eldföstumóti, síðan er fallegu deigi sem inniheldur m.a. rjóma hellt yfir og allt látið bakast. Ávextirnir fljóta upp og til verður ómótstæðilegur réttur.

Soðning

4 perur, flysjaðar, kjarnhreinsaðar, skornar í fjóra bita hver
50 g sykur
2 stjörnu anísar
1 kanil stöng
500 ml vatn

Deig

3 egg
100 g sykur
3 vanilludropar
50 g hveiti
100 ml mjólk
50 ml rjómi

Byrjið á því að flysja og kjarnhreinsa perurnar og skera hverja og eina í um það bil fjóra hluta. Ég mæli með því að nota ferskar og lífrænt vottaðar perur en ef þið komist ekki yfir þær þá er allt í lagi að nota perur úr dós.  Setjið perurnar í pott ásamt: sykri, kanilstöng, stjörnuanís og vatni. Látið koma upp suðu, lækkið hitann og leyfið þessu að malla í um það bil 10-20 mín eða þar til perurnar eru orðnar mjúkar. Takið af hellunni og látið kólna í vökvanum.

Næst búið þið til deigið. Þeytið saman í skál: egg, vanilludropa og sykur, þar til það er orðið að léttu og ljósu deigi.  Næst setjið þið hveitið út í, klípu af salti eins og passar á hnífsodd og hrærið þetta vel saman. Að lokum setjið þið mjólkina og rjómann út í og hrærið vel.

Núna raðið þið perunum í botninn á eldföstu formi sem er um það bil 20×20 cm en má vera stærra, prófið ykkur bara áfram. Ég notaði lítinn leirpott sem er með loki, það kom vel út að hafa lokið á meðan þetta bakaðist og svo tók ég lokið af til að fá smá brúnann lit á réttinn. Bakist við 180°C í um það bil 1 klst, eða þar til ekkert af vökvanum kemur upp á yfirborðið þegar þú tekur í formið og hrisstir það aðeins til.

Berist fram með rjóma.  Ég þakka tímaritinu: Jamie, making you a better cook, issue 27, mars/apríl 2012, fyrir þessa uppskrift. Uppskriftin passar fyrir fjóra til fimm.

Verði ykkur að góðu.

One thought on “Peru clafoutis

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s